Cichanoŭski: Ja praciŭnik pahłyblenaj intehracyi z Rasijaj
«Ja praciŭnik pahłyblenaj intehracyi z Rasijaj», — skazaŭ videabłohier Siarhiej Cichanoŭski, adkazvajučy na pytańni žurnalistaŭ padčas pieradvybarčaha pikieta ŭ Minsku.
«Ja praciŭnik pahłyblenaj intehracyi z Rasijaj i ŭdzielničaŭ u mitynhu pratestu suprać hetaha ŭ kancy minułaha hoda», — skazaŭ papularny videabłohier.
Tysiačy ludziej pabyvali na pikiecie kandydataŭ pratestu kala Kamaroŭskaha rynku ŭ Minsku 24 maja.
Čarha, kab pastavić podpis za Śviatłanu Cichanoŭskuju, raściahnułasia na sotni mietraŭ — ad uvachodu ŭ Kamaroŭski rynak amal da ŭvachoda ŭ mietro «Płošča Jakuba Kołasa».
Śviatłana Cichanoŭskaja — žonka samaha papularnaha biełaruskaha videabłohiera Siarhieja Cichanoŭskaha. Kali jaho aryštavali na 15 sutak, kab nie dać mahčymaści padać dakumienty ŭ jakaści kandydata, svaju kandydaturu vyłučyła jana.
Vybarščyki byli ŭ maskach, Siarhieja Cichanoŭskaha ludzi ŭ čarzie sustrakali apładysmientami i skandavali «Stop tarakan».
