Viarchoŭny sud zaćvierdziŭ śmiarotny prysud dvum bratam z Čerykava
Viarchoŭny sud zaćvierdziŭ śmiarotny prysud bratam Illi i Stanisłavu Kościevym, jakija ŭ noč na 10 krasavika 2019 hoda zabili nastaŭnicu Natallu Kastrycu, piša Mogilev.online. Pavodle śledstva, na praciahu piaci hadzin braty źbivali 47-hadovuju žančynu i rezali nažom.
Kali nastaŭnica pamierła, Kościevy vykrali pradukty charčavańnia i kampjutar, a dom padpalili, sprabujučy ŭtaić ślady złačynstva.
U studzieni 2020 hoda Mahiloŭski abłasny sud prysudziŭ bratoŭ da śmiarotnaha pakarańnia.
U ŚMI źjaŭlalisia materyjały pra toje, što ŭ siamji Kościevych i Natalli Kastrycy byŭ daŭni kanflikt. Niezadoŭha da hibieli Kastryca vykazvała namier pieradać na dziaržaŭnaje zabieśpiačeńnie dziaciej siastry Kościevych.
22 maja Viarchoŭny sud razhledzieŭ apielacyju Illi i Stanisłava Kościevych i adchiliŭ jaje. Śmiarotny prysud bratam pakinuty ŭ sile.
Apošniaja nadzieja bratoŭ Kościevych — pamiłavańnie Łukašenki. Šancaŭ na jaho vielmi mała, uličvajučy vykazvańni Łukašenki pra hetuju spravu.
