U Starych Darohach pamior 58-hadovy rabotnik vajskovaj čaści z karanavirusam
U niadzielu, 17 maja, pamior 58-hadovy Mikałaj Sitčuk sa Starych Daroh. Sitčuk — były vajskoviec, vieteran Afhanistana, dzie byŭ praparščykam i načalnikam uzvoda materyjalnaha zabiaśpiečańnia.
Apošnim časam mužčyna pracavaŭ u miascovaj vajskovaj čaści (8-y połk radyjacyjonnaj, bija- i chimabarony). Byŭ načalnikam karauła.
«U jaho pačałasia pnieŭmanija, pakłali ŭ balnicu, tam vyjavili karanavirus, — raspavioŭ «Našaj Nivie» Michaił Niachaj, staršynia miascovaha sajuza vieteranaŭ Afhanistana.
— Uviečary ŭ niadzielu 17 maja Mikałaj pamior u Słuckaj balnicy. Kažuć, rezka stała kiepska — i ŭsio. Učora my chavali jaho ŭ zakrytaj trunie».
Sitčuk mieŭ chraničnyja prablemy sa zdaroŭjem, ale znajomyja kažuć, što ŭ daviedcy ab śmierci paznačany taksama «kavid-19».
Žonka Mikała znachodzicca ŭ kopylskaj balnicy ź pnieŭmanijaj. Jana pracavała ŭ staradarožskim internacie dla sastarełych i invalidaŭ.
«Naša Niva» źviazałasia z dyrektarkaj ustanovy, tam paviedamili, što internat daŭno nie pracuje ŭ «prafiłaktyčnych metach». Ale na «karonu» supracoŭnikaŭ nie praviarali, bo nie viedajuć, ci vyjavili virus u ich rabotnicy.
