Błohiera Siarhieja Cichanoŭskaha niečakana adpuścili z homielskaha izalatara
Siarhiej Cichanoŭski. Fota Nadziei Bužan
Błohiera Siarhieja Cichanoŭskaha, jaki byŭ zapar asudžany na 45 sutak aryštu, vyzvalili ź izalatara časovaha ŭtrymańnia ŭ Homieli. Jak paviedamlaje pravaabaronca «Viasny» Leanid Sudalenka, milicyjanty vyvieźli błohiera ŭ horad i prosta adpuścili na vulicu. Zaraz jon na voli.
Nahadajem, Siarhiej Cichanoŭski byŭ zarymany šostaha traŭnia pad Mahilovam. Jaho źmiaścili ŭ IČU Homiela. Padstavaj dla zatrymańnia błohiera stała pastanova suda Savieckaha rajona horada Homiela ab administracyjnym aryšcie, vyniesienaja jašče ŭ studzieni. A mienavita pastanova ab 15 sutkach aryštu za ŭdzieł u akcyi suprać intehracyi z Rasijaj 20 śniežnia. Padčas adbyvańnia hetych 15 sutak nad błohieram adbylisia jašče dva sudy, na kožnym ź jakich jon atrymaŭ jašče pa 15 sutak aryštu. Akramia taho, pa słovach Cichanoŭskaha, na jaho skłali jašče šmat pratakołaŭ pa artykule 23.34 KaAP za arhanizacyju sustreč z padpisčykami ŭ roznych haradach Biełarusi.
Apytanka
