Ministr transpartu Estonii: Nieabchodna spynić paloty ŭ Minsk, bo stan spraŭ z karanavirusam u Biełarusi vyklikaje tryvohu
Taavi Aas, Postimees
Estonija pacichu vychodzić z karanakryzisu. Jana adna ź pieršych zakryła svaje miežy. Pa stanie na ranicu 15 maja tam 1758 vypadkaŭ karanavirusa za dva z pałovaj miesiacy (1 325 na 1 młn, u Biełarusi 2833 na 1 młn). Tam robicca 50 tysiač testaŭ na 1 młn, u Biełarusi 32 tysiačy.
Z 18 maja ŭ Estonii spartyŭnym kamandam možna zajmacca na śviežym pavietry, a 19 maja budzie restart futbolnaha čempijanatu. Z 1 červienia adnovicca rabotu vodnych centraŭ, SPA, z 12 červienia — dziciačych łahieraŭ.
Ad siońnia Estonija adkryvaje miežy z Łatvijaj i Litvoj. Pačynajucca paloty ŭ Łatviju i Litvu, mahčyma, buduć adnoŭleny paloty ŭ Amsterdam i Kapienhahien, u Narviehiju i Hiermaniju.
Adnak ministr ekanomiki i infrastruktury Taavi Aas zajaviŭ, što «nieabchodna pry pieršaj mahčymaści zakryć minskuju avijaliniju, pakolki ŭ Biełarusi ŭzrovień raspaŭsiudžvańnia virusa vyklikaje tryvohu».
Avijapieraloty pamiž stalicami Estonii i Biełarusi ažyćciaŭlaje «Biełavija», heta adzin ź niešmatlikich maršrutaŭ, jaki zastaŭsia ŭ raskładzie avijakampanii. Camaloty lotajuć dvojčy na tydzień — pa paniadziełkach i čaćviarhach. Z 23 maja płanavałasia, što paloty buduć vykonvacca pa aŭtorkach i subotach.
U Estonii vielmi adkrytaja padrabiaznaja infarmacyja nakont karanavirusa, možna anłajn (na estonskaj, anhlijskaj, ruskaj) daviedacca pra kolkaść vypadkaŭ u kožnym z 15 pavietaŭ, kolki praviedziena testaŭ u kožnym z pavietaŭ, navat jość raźmierkavańnie testaŭ pa ŭzroście z raźbiežkaj u piać hadoŭ.