«Chaciełasia b bačyć tendencyi, jakija naściarožvajuć»: Łukašenka pryniaŭ z dakładam Rumasa
BiełTA
Alaksandr Łukašenka pryniaŭ siońnia z dakładam premjer-ministra Siarhieja Rumasa, pieradaje BIEŁTA.
Kiraŭnik dziaržavy ŭ pieršuju čarhu pacikaviŭsia vynikami pracy ekanomiki za 4 miesiacy hoda. «Pieršy kvartał my analizavali. Krasavik miesiac, zrazumieła, u siłu peŭnych abstavinaŭ, i vielmi surjoznych dla našaj ekspartna aryjentavanaj ekanomiki, byŭ niaprostym. Tamu chaciełasia b u pieršym nabližeńni bačyć vynik hetych čatyroch miesiacaŭ i asnoŭnyja tendencyi, jakija pierš za ŭsio nas naściarožvajuć», — skazaŭ jon.
Alaksandr Łukašenka taksama pacikaviŭsia situacyjaj u śfiery dziaržaŭnaha doŭhu. «Jakaja situacyja, što my bačym, jak budziem raźličvacca pa daŭhach?» — paznačyŭ jon pytańnie.
«Treciaja tema — heta MVF. Ja daručaŭ uradu pierš za ŭsio zaniacca hetymi pytańniami. Nu i inšyja mižnarodnyja bankaŭskija arhanizacyi, jakija nie suprać nas prafinansavać u hety čas, u tym liku pa achovie zdaroŭja», — adznačyŭ Łukašenka.
