U Mahilovie 12-hadovy školnik adčyniŭ dźvie mašyny, a adnu ź ich sprabavaŭ zdać na mietałałom
U noč z 4 na 5 krasavika ŭ Mahilovie 12-hadovy školnik sprabavaŭ skraści «Aŭdzi» i «Folksvahien», paviedamlaje telehram-kanał «Šukaje milicyja».
Spačatku chłopiec złamaŭ dźviarny zamok u Audi, trapiŭ u sałon i pasprabavaŭ zapuścić ruchavik, zamknuŭšy pravady zamka zapalvańnia. U jaho nie atrymałasia. Sproba z Volkswagen taksama była pravalnaj. Tady małady čałaviek vyrašyŭ ździejśnić złačynstva inakš.
Z dapamohaj mužčyny, jakoha jon sustreŭ niepadalok, školnik pasprabavaŭ adkacić aŭtamabil da punkta pryjomu mietałałomu. Płan byŭ taki, kab zdać mašynu na mietałałom, a hrošy padzialić. Adnak supracoŭniki milicyi vyjavili pakinuty złamyśnikami aŭtamabil, i viarnuli jaho ŭładalniku.
Chłopca pastaviać na ŭlik u inśpiekcyi pa spravach niepaŭnaletnich, a jaho maci pryciahnuć da adkaznaści.
