Łukašenka pra ŭpłyŭ parada: Zachvorvańnie pnieŭmanijami ŭ 2 razy ŭpała
U Minsku zafiksavana źnižeńnie zachvorvańnia na pnieŭmaniju. Pra heta raskazaŭ Łukašenka padčas narady z členami ŭrada i kiraŭnictvam administracyi prezidenta. Adpaviedny siužet pakazaŭ kanał ANT.
Łukašenka adznačyŭ, što, niahledziačy na niehatyŭnyja prahnozy nakont parada, rostu kolkaści vypadkaŭ zachvorvańnia nibyta nie było.
— Ludzi znachodziacca na pavietry, heta nie horš, čym jany tam niedzie buduć začynienyja. Heta i vajennyja ludzi byli, i tyja, jakija pierachvareli… Ale ŭsio ž u dušy, u sercy niejak naściarožanaść była. Nu i što my atrymali? U Minsku značnaje źnižeńnie pnieŭmanij — učora ŭ 2 razy. I ja ŭčora pierachryściŭsia: daj Boh, kab my i dalej tak pa pnieŭmanijam pajšli. U tym płanie, što my špitalizavali i vypisali — i ŭ nas u minus pajšło, i nie tolki ŭ Minsku — my atrymali dadatkovaje łožka-miesca na ŭsialaki vypadak dla tych, chto zachvareŭ.
