Jubilejnyja mierapryjemstvy ŭ Žyrovičach pieraniesienyja praz karanavirus
Mierapryjemstvy z nahody 550-hodździa Žyrovickaj ikony Božaj Maci, 500-hodździa jaje paŭtornaha cudoŭnaha zdabyćcia, a taksama 500-hodździa z času zasnavańnia Uśpienskaha Žyrovickaha mužčynskaha manastyra pieraniesienyja na paźniejšy termin, piša sajt Biełaruskaj pravasłaŭnaj carkvy.
Jany płanavalisia na 19-20 maja. Nie vyklučałasia, što ich naviedaje Łukašenka.
Novuju datu pryznačać paśla zaviaršeńnia pandemii karanavirusa.
U krasaviku 63-hadovaha archijepiskapa Navahradskaha i Słonimskaha Huryja, rektara Žyrovickaj sieminaryi špitalizavali ź pnieŭmanijaj i padazreńniem na karanavirus. 21 krasavika ŭ balnicu z manastyra i sieminaryi zabrali 41 čałavieka, ź ich 23 pacyjenty — sieminarysty. Sieminaryju i manastyr zakryli na karancin.
U niadzielu stała viadoma, što Huryj vyzdaravieŭ.
