«Če» Čeračań nabraŭ 400 čałaviek, budzie płacić pa 1 rubli za podpis
Kiraŭnik partyi «Hramada» Siarhiej Čeračań usio adno maje namier stać kandydatam u prezidenty, niahledziačy na pandemiju i rańniaje abviaščeńnie prezidenckich vybaraŭ.
«Heta ŭniesła karekciroŭki. Daviadziecca pracavać bolš intensiŭna, čym płanavałasia adrazu, ale płanaŭ nie mianiaju», — kaža palityk.
Pa jahonych słovach, na siońnia inicyjatyŭnaja hrupa naličvaje kala 400 čałaviek, jakija «realna buduć źbirać podpisy». «Ciaham bližejšych dzion pasprabujem dahnać da 1000 čałaviek.
Dzieści 30% źbirać podpisy nie budzie, ale 700 čałaviek pavinna chapić. Praŭda, nieviadoma, jak heta budzie pracavać u časy pandemii», — zaznačaje kiraŭnik «Hramady».
Aktyvisty raskazali «Našaj Nivie», što im abiacali pa 1 rubli za kožny sabrany podpis. Ci praŭda heta?
«Ja liču, što kožnaja praca pavinna być apłačana. I heta nie hrošy za podpis, a na bułačku, čaj, na žeton u mietro», — inšaskazalna adkazvaje Čeračań.
Ciapier u internecie źjaviłasia vizualnaje afarmleńnie kampanii Siarhieja Čeračania, jana budujecca na litarach «Čie». «Heta nie adsyłka da Če Hievary — heta prosta dźvie maje pieršyja litary proźvišča, a taksama jość vajskovy paniatak «Čas Č» — umoŭny čas pačatku apieracyi, vajskovych dziejańniaŭ», — kaža pretendent.