U Viciebsku ad karanavirusa pamior dyjakan pratestanckaj carkvy
Anatolu Sakałovu było 59 hadoŭ. Pra jahonuju śmierć «NN» paviedamiŭ brat pamierłaha, pastar piacidziesiatnickaj carkvy «Adradžeńnie» ŭ Viciebsku Michaił Sakałoŭ.
Anatol Sakałoŭ. Archiŭnaje fota z 1990-ch. Zdymak pradstaviŭ «NN» Vasil Mamnieŭ
«Stała kiepska bolš za try tydni tamu, padniałasia tempieratura.
Učastkovaja skazała, što heta anhina.
Źbivali ŭsio tempieraturu, jak mahli. Kali ŭžo stała zusim kiepska, to vyklikali chutkuju. Daktary chutkaj adrazu skazali, što heta nijakaja nie anhina, a pnieŭmanija. Zabrali Anatola ŭ balnicu, spačatku ŭ adnu, potym pieraviali ŭ druhuju. 4 maja było b dva tydni, jak brata ŭviali ŭ miedykamientoznuju komu. Jon hipiertonik, vialiki cisk. Pamior Anatol 3 maja a 12 hadzinie dnia», — kaža spadar Michaił.
Pa słovach brata, test na karanavirus u Anatola Sakałova braŭsia 22 krasavika, praz dva dni byŭ stanoŭčy vynik. U balnicy znachodziłasia i žonka niabožčyka, ale jana ŭžo papraviłasia. Test na COVID-19 u jaje byŭ admoŭnym. «Daviedku ab śmierci my pakul nie bačyli, ničoha skazać nie možam», — havoryć brat.
Pakul nieviadoma, kali svajaki zmohuć raźvitacca z Anatolem. «Syn brata ŭčora sprabavaŭ dahrukacca, ale ŭsio było zakryta. Nam rekamiendavali nie zdymać zału dla raźvitańnia. Moža, na ŭskajku mohiłak atrymajecca pravieści nievialiki žałobny schod. Truna budzie zakrytaj».
Anatol Sakałoŭ pracavaŭ santechnikam na viciebskim pradpryjemstvie druhasnaj čornaj mietałurhii. Dapamahaŭ bratu ŭ carkvie. Dyjakan u pratestantaŭ kłapocicca pra materyjalny stan carkvy, źbiraje achviaravańni. Heta niešta kštałtu zahadčyka haspadarki.
Siamja Sakałovych — pratestanty ŭ trecim pakaleńni. Jany pachodziać karaniami ź Loźnienskaha rajona.
