Na čyhunačnym vakzale ŭ Minsku pastavili ciepłavizar
Na minułym tydni ŭ testavym režymie zapracavaŭ ciepłavizar na staličnym čyhunačnym vakzale, paviedamiŭ «Minsk-Navinam» namieśnik staršyni Minharvykankama Alaksandr Darachovič.
Pryłada staić na 2-m paviersie pierad załaj čakańnia. U siarednim u sutki jana fiksuje 4-5 čałaviek z pavyšanaj tempieraturaj.
«Źviestki pastupajuć na kampjutar da administratara zały, tam ža dziažuryć milicyjant. Čałavieka, u jakoha vyjavili pavyšanuju tempieraturu, vietliva prosiać spuścicca na 1-y pavierch u miedpunkt, dzie akažuć dapamohu daktary 38-j palikliniki. U zaležnaści ad kankretnaj situacyi miedyki prymajuć adpaviednyja miery: akazvajuć dapamohu, vydajuć chvoramu masku, vyklikajuć chutkuju i h. d. Padobny ałharytm dziejańniaŭ razhladajem i dla ciepłavizara, jaki pracuje ŭ mietro na stancyi «Płošča Lenina», — raspavioŭ A. Darachovič.