Pahladzicie pieršy biełaruski bardaŭski KLIP, aličbavany z zapisu 1995 hoda. «Daj Boh, kab majo kamieńnie adnojčy ich apiakło»
4 maja 2005 hoda pamior biełaruski «praklaty paet» Anatol Sys. Spaŭniajecca 15-ja hadavina jahonaj śmierci.
Da hetaj nahody byŭ aličbavany pieršy biełaruski bardaŭski videaklip 1995 hoda, na jakim bard Andrej Mielnikaŭ śpiavaje pieśniu na vierš Anatola Sysa «Manałoh Alesia Haruna» («Harać kamiani ŭ maim vohniščy»).
U siaredzinie 90-ch hety klip tranślavaŭsia pa biełaruskim telebačańni. Z taho času telebačańnie stała nie nadta biełaruskim, i klip nidzie bolš nie pakazvali.
Acanicie stylistyku taho času:
Anatol Sys pražyŭ 45 burnych hadoŭ. Hety paet, narodžany ŭ naddniaproŭskaj vioscy Haroškaŭ Rečyckaha rajona, byŭ znakavaj fihuraj svajho času i aktyŭnym udzielnikam zmahańnia za niezaležnaść Biełarusi.
Voś tekst pieśni:
Harać kamiani ŭ maim vohniščy,
raśćvielenyja ahniom,
niby vaŭčaniaty ŭ łohviščy
soniečnym pramianiom.
U tvar mnie šuhaje połymia,
dy ja ŭsio adno biaru
kamieńnie rukami hołymi
i hetkim, jak sam, daru.
Biaruć i da sercaŭ tulać:
niachaj nas ratuje bol
i vučyć pra bližnich dumać,
pra tych, chto hibieje ŭ zol,
pra tych, chto pramiorz da kostak,
chto šlach da ahniu zhubiŭ,
chto djabłu čyrvonym chrostam
Ajčynu svaju pazbyŭ.
Daj Boh, kab majo kamieńnie
adnojčy ich apiakło,
prymusiła ŭstać z kaleniaŭ,
pajści na majo śviatło.
Ja — tut! Ja šuhaju połymiem!
Praz bol ja ź siabie biaru
kamieńnie rukami hołymi
i hetkim, jak sam, daru.
Daj Boh, kab majo kamieńnie
Žar-ptacham dajści zmahło
da tysiačnych pakaleńniaŭ
i sercy ich apiakło!
