Pamior 36-hadovy supracoŭnik špitala ŭ Buda-Kašalovie — pnieŭmanija i karanavirus
1 traŭnia ŭ homielskim suchotnym špitali pamior 36-hadovy supracoŭnik buda-kašaloŭskaha špitala Vadzim M. Jon pracavaŭ inžyneram-prahramistam. Hetuju infarmacyju paćvierdzili Svabodzie svajačka i kalehi pamierłaha.
23 krasavika mužčynu pieravieźli ŭ ciažkim stanie z buda-kašaloŭskaha špitala ŭ Homiel, adkul jon pachodziŭ. U homielskim špitali jon lažaŭ pad aparatam štučnaj ventylacyi lohkich. Pavodle svajakoŭ, u jaho była dvuchbakovaja pneŭmanija i paćvierdziŭsia karanavirus.
Jaho nia stała 1 traŭnia. Pachavańnie maje adbycca 3 traŭnia.
Vadzim nia byŭ žanaty, žyŭ u internacie dla medykaŭ u Buda-Kašalovie. U jaho zastalisia baćki i brat u Homli.
U rajcentry Buda-Kašalovie — uspyška karanavirusu. Raniej Svaboda pisała pra śmierć 45-hadovaj medsiastry tamtejšaj chutkaj dapamohi Haliny N. Zachvareli medyki, u tym liku lekary terapii i reanimacyi, a taksama pacyjenty terapeŭtyčnaha adździaleńnia rajonnaj lakarni.
