Vučony abvierh adzin ź mifaŭ ab pieradačy karanavirusa
Supracoŭnik Univiersiteta štata Ahajo, ZŠA, Sandža Ilič raźviančaŭ mif ab pieradačy karanavirusa praź ježu. Pra heta paviedamlaje ria.ru sa spasyłkaj na MedicalXpress.
«Karanavirus nie źjaŭlajecca straŭnikava-kišačnym zachvorvańniem, infiekcyja COVID-19 nie razmnažajecca na ježy», — zajaviŭ vučony. Śpiecyjalist padkreśliŭ, što virusy nie množacca na pavierchniach, jany majuć patrebu ŭ žyvym haspadary.
Pry hetym jon papiaredziŭ, što karanavirus možna padchapić u supiermarkiecie. Kab hetaha nie adbyłosia, Sandža rekamiendavaŭ trymać sacyjalnuju dystancyju dva mietry i pieryjadyčna apracoŭvać ruki antysieptykami. Nabytyja harodninu i sadavinu nieabchodna staranna myć.
Ekśpiert adznačyŭ, što aściarohi pry zakazie hatovaj ježy z dastaŭkaj z kramaŭ zališnija. Pavodle jaho słoŭ, ciapier niama infarmacyi pra vypadki pieradačy karanavirusa praz słužby dastaŭki z kramaŭ abo restaranaŭ.
Raniej rasijski doktar miedycynskich navuk, prafiesar Dźmitryj Nikiciuk zajaviŭ, što śćviardžeńni ab tym, što imbir, limon ci jaki-niebudź inšy pradukt mohuć abaranić ad karanavirusa — nie bolš, čym markietynhavy chod.
Pavodle słoŭ śpiecyjalista, nie isnuje nivodnaha charčovaha pradukta, jaki sam pa sabie zdolny abaranić ad virusa.
