Viadomy piedahoh prapanuje źmieny ŭ paradku praviadzieńnia CT u suviazi z pandemijaj
Na prapanovy piedahoha Lavona Barščeŭskaha adhuknuŭsia inšy viadomy piedahoh, kiraŭnik adukacyjnych kursaŭ «Fabryka viedaŭ» Alaksandr Łucevič. Voś što jon piša.
Pavažanaja «Naša Niva» nadrukavała 6 punktaŭ adnosna nieabchodnych źmien u adukacyjny praces u suviazi z pandemijaj pavodle nie mienš pavažanaha Lavona Barščeŭskaha.
Adkažu na niekatoryja ź ich jak čałaviek, nabližany da sučasnych realij siaredniaj adukacyi.
1. Nie patrebna adrazu spyniać adukacyjny praces. Nakolki heta mahčyma, možna pieranieści ŭsio ŭ anłajn-režym. Heta nie zamienić jakasna tradycyjnuju formu zasvajeńnia prahramy, ale ž budzie adnaznačna lepš, čym prosta spyniać praces i adpuskać dziaciej boŭtacca hetyja niekalki miesiacaŭ.
2. Častku materyjału treba pieranieści ŭ nastupny navučalny hod i adaptavać pad heta prahramy. Mahčyma, nastupny navučalny hod možna praciahnuć na niekalki tydniaŭ, kali budzie takaja patreba.
3. Nijakim čynam nielha ničoha rabić z CT. Heta niesumlenna — źmianiać za 2 miesiacy da ekzamiena jaho formu. Mahčyma,treba dumać u bok niejkaj bolš biaśpiečnaj formy praviadzieńnia testaŭ ci pieranosu na žnivień z pačatkam siemiestra ŭ kastryčniku, ale nie rabić kałaps dla ŭsiej sistemy. Heta tyčycca jak samoj padrychtoŭki abituryjentaŭ, tak i naładžanaj ustupnaj kampanii. Nie tak šmat my vyjhrajem karyści, a lišnich ruchaŭ narobim zašmat.
4. Bały atestataŭ u sučasnaj sistemie nie źjaŭlajucca pakazčykam padrychtoŭki abituryjenta: adznaki ci pavialičvajucca dziakujučy nastaŭnikam/suviaziam, ci budzie mieć miesca situacyja razumnaha humanitaryja ź nizkimi adznakami pa fizicy i matematycy, jaki płanavaŭ pastupić na histfak i nie zrobić heta z-za źmieny praviłaŭ hulni pierad samim ispytam. Razhladać atestaty jak formu adboru ŭ biełaruskaj sistemie niereprezientatyŭna.
