U Biełaviežskuju pušču viartajucca miadźviedzi VIDEA
Pytańnie ab usialeńni miadźviedziaŭ u Biełaviežskuju pušču było zakranuta jašče ŭ 2011 hodzie paśla taho, jak navukoŭcy Hiermanii prapanavali prajekt adnavić papulacyju buraha miadźviedzia ŭ Biełaviežskaj puščy. Da hetaha prajekta padklučyłasia Nacyjanalnaja Akademija navuk. Ale hety prajekt nie byŭ realizavany.
Miadźviedzia ŭ XVIII stahodździ ŭ puščanskich lasach było dastatkova šmat, i jaho ŭzmocniena źniščała lasnaja achova na padstavie taho, što jon niebiaśpiečny dla ŭsioj dzičyny i, u asablivaści, zubra.
Intensiŭny pieraśled drapiežnika pryvioŭ da taho, što ŭ 1846 hodzie byŭ zabity apošni puščanski miadźviedź, jaki ŭ adno leta zadraŭ piać zubroŭ.
U lipieni 2003 hoda ŭ Biełaviežskaj puščy niedaloka ad vioski Klepačy Pružanskaha rajona byli vyjaŭleny ślady miadźviedzia na aŭsianym poli. Imavierna, drapiežnik zatrymaŭsia na niekatory čas na šlachach svajoj mihracyi.
I voś zusim niadaŭna ŭ Biełaviežskaj puščy znoŭ byli zarehistravanyja ślady jaho znachodžańnia na aharodžanaj terytoryi Šarašeŭskaj lesapalaŭničaj haspadarki. Samoha jaho nichto nie bačyŭ. U kancy sakavika hetaha hoda ŭ centralnaj častcy puščy ślady miadźviedzia, jaho ekskremienty, a taksama jaho drapiny na drevie vyjaŭlenyja kala pareštkaŭ vielmi staroj samki łasia. Pastaŭlenyja fotapastki dazvolili ŭbačyć vializnaha miadźviedzia, jaki z aściarožnaściu padychodziŭ da achviary. Tak što buryja miadźviedzi samastojna pačynajuć zasialać Biełaviežskuju pušču.
U Biełarusi miadźviedź nie šmatliki vid, tamu zaniesieny ŭ Čyrvonuju knihu. Niahledziačy na 80-hadovuju zabaronu palavańnia na miadźviedzia, kolkaść jaho nie vialikaja — kala 80-100 asobin.
