Łukašenka daručyŭ padklučyć vajskovych miedykaŭ da baraćby z karanavirusam
Siońnia Łukašenka zaŭvažyŭ, što ŭ baku ad hetych padziej apynulisia vajskovyja miedyki, a siarod ich taksama jość infiekcyjanisty i virusołahi, piša BiełTA.
«U nas ža pa respublicy piać-šeść takich balnic. Treba ich padklučyć. Niachaj jany pahladziać, jak pracujuć cyvilnyja miedyki. Kali treba, i prakantraluć, i dapamohuć. I samaje hałoŭnaje — jany taksama buduć u hetaj temie, navučacca», - skazaŭ kiraŭnik dziaržavy. Pavodle jaho słoŭ, jon užo daŭ adpaviednyja daručeńni kiraŭnika Administracyi prezidenta i dziaržsakrataru Rady biaśpieki.
«My što, dumajem, što ŭ vojsku ničoha nikoli nie zdarycca? A nie daj boh, niejki vajenny kanflikt — jany (vajskovyja miedyki) pieršymi pojduć. Tamu heta dla ich peŭnaja vučoba, a dla mianie značnaja dapamoha i kantrol», — źviarnuŭ uvahu Alaksandr Łukašenka.
Ale zaraz biełaruskija daktary spraŭlajucca ź situacyjaj, tamu pryciahvać studentaŭ-miedykaŭ da baraćby z karanavirusam nie płanujecca, skazaŭ jon. Tolki dadatkovyja resursy — vałanciory, prafsajuzy — kinutyja na dapamohu pažyłym ludziam.
