Pres-sakratar biełaruskaha Kaścioła: Zastańciesia doma ŭsie siońnia, kab potym usim pryjści ŭ chramy paśla skančeńnia epidemii
catholic.by
Kab nie dapuścić raspaŭsiudu epidemii karanavirusa, pres-sakratar Kanfierencyi katalickich biskupaŭ u Biełarusi Juryj Sańko ŭ svaim fejsbuku zaklikaŭ nie puskać u kaścioł starych, dziaciej i moładź.
«Robim usio mahčymaje, kab nie dapuścić raspaŭsiudžvańnie epidemii. Vas prašu nie puskać u kaścioł svaich starejšych blizkich, dziaciej i moładź. Zastańciesia siońnia doma ŭsie — kab potym usim pryjści ŭ kaścioł!!! Tranślacyj siońnia vielmi šmat! Pamiatajcie, što nie vada aśviačaje stravy na stoł, viarbu, a malitva!!!
Pamažycie śviataram i zastańciesia doma. Siońnia mienš za ŭsio patrebnyja sprečki i vyrašeńni, chto maje racyju, a chto vinavaty. My adkaznyja za svajo žyćcio. Boh nie patrabuje našaj achviary, Chrystos skłaŭ daskanałuju achviaru. (…) Kali ŭsio ž vyrašycie pryniać udzieł u liturhii, zachoŭvajcie dystancyju!», — napisaŭ jon.
U hetuju niadzielu katoliki i pratestanty buduć adznačać Vierbnicu, a ŭ nastupnuju niadzielu, 12 krasavika, Vialikdzień. U pravasłaŭnych Vierbnica — 12 krasavika, a Vialikdzień — 19 krasavika.
