AAN: pandemija moža vyklikać maštabny hoład
Suśvietnaja charčovaja prahrama (World Food Programme — WFP) prahnazuje maštabny hoład z-za pandemii novaha karanavirusa SARS-CoV-2.
«My surjozna bjom tryvohu. My aścierahajemsia, što nas čakaje pa-sapraŭdnamu vialiki kryzis», — zajaviła pradstaŭnica bierlinskaha filijała WFP Bietyna Lušer u intervju infarmacyjnamu ahienctvu epd, apublikavanym u piatnicu, 3 krasavika, piša dw.com.
Pavodle jaje słoŭ, užo ciapier WFP akazvaje nieadkładnuju humanitarnuju dapamohu 87 młn čałaviek bolš jak u 80 krainach, pry hetym praca humanitarnaj arhanizacyi ŭsio bolš uskładniajecca z-za vojnaŭ, klimatyčnych źmianieńniaŭ, zasuch i pavodak; ciapier ža da hetaha dadałasia i pandemija karanavirusa.
«Z-za karanavirusa, jaki pralez amal va ŭsie afrykanskija krainy, u mnohich rehijonach stvaryłasia sapraŭdy ciažkaja situacyja asabliva tam, dzie słabaja ekanomika i słabaja sistema achovy zdaroŭja. My sutykajemsia ź biesprecedentnaj situacyjaj, u jakoj my jak najbujniejšaja ŭ śviecie humanitarnaja arhanizacyja nie znachodzilisia jašče nikoli. Heta absalutna niaźviedanaja terytoryja», — adznačyła Lušer.
Pavodle acenak AAN, va ŭsim śviecie ciapier haładajuć bolš za 820 młn čałaviek. Tolki va Uschodniaj Afrycy niedajadajuć 15 młn čałaviek u takich krainach, jak Paŭdniovy Sudan, Efijopija, Samali i Kienija.
«Pandemija karanavirusa daje padstavy bajacca, što hoład stanie realnaściu i dla mnohich miljonaŭ inšych ludziej. Patreba ŭ nieadkładnaj charčovaj dapamozie tolki vyraście», — kanstatavała pradstaŭnik bierlinskaha filijała WFP.
