Kačanava: U nas niama takoj situacyi, kab treba było zakryvać pradpryjemstvy
Epidemijałahičnaja situacyja ŭ Biełarusi nie patrabuje zakryćcia pradpryjemstvaŭ. Pra heta siońnia zajaviła žurnalistam staršynia Savieta Respubliki Natalla Kačanava, piša BiełTA.
Śpikier adznačyła, što na fonie prablem z-za raspaŭsiudžvańnia ŭ śviecie karanavirusnoj infiekcyi hučać roznyja prapanovy, až da zakryćcia pradpryjemstvaŭ. Adnak Natalla Kačanava padkreśliła: dla takich mier niama padstaŭ. «My vydatna razumiejem: epidemija projdzie, a z čym zastaniecca kraina? U nas niama takoj situacyi, kab treba było začyniać niejkija pradpryjemstvy. Tamu ekanomika ŭ pryjarytecie: praca pradpryjemstvaŭ, vykanańnie zadač, jakija stajać pierad nami», — skazała jana.
Zaraz u Saviecie Respubliki razhladajuć prapanovy ŭrada pa sacyjalna-ekanamičym raźvićci krainy na bližejšaje piacihodździe, adsočvajuć biahučuju situacyju ŭ rehijonach i na pradpryjemstvach. «Viadoma, heta vielmi važna — raŭnamiernaje raźvićcio rehijonaŭ, praca kožnaha pradpryjemstva. Biez ekanomiki nie budzie absalutna ničoha, — padkreśliła Natalla Kačanava. — Zadačy, jakija staviŭ kiraŭnik dziaržavy pa pytańniach zaniataści, koštaŭ, zarpłaty, zaŭsiody buduć u pryjarytecie».
