Brytanski premjer pra karanavirus: Usio budzie tolki horš, vy pavinny zastavacca doma
Situacyja z raspaŭsiudam karanavirusnaj infiekcyi ŭ Vialikabrytanii pahoršycca. Pra heta havorycca ŭ liście brytanskaha premjer-ministra Borysa Džonsana da žycharoŭ krainy.
«Usio budzie tolki horš pierad tym, jak palepšycca. Čym bolš stroha vy budziecie vykonvać praviły, tym mienš žyćciaŭ my stracim. Tady zvykłaje žyćcio vierniecca chutčej», — kaža ŭ liście Džonsan.
Premjer-ministr zajaviŭ, što hałoŭnaj metaj brytancaŭ ciapier źjaŭlajecca strymlivać raspaŭsiudžvańnie chvaroby i maksimalna skaracić kolkaść ludziej, jakija ŭ adzin momant patrabujuć miedycynskaj dapamohi. Inakš nacyjanalnaja sistema achovy zdaroŭja nie spravicca z epidemijaj.
«Voś čamu my dajem vam adnu prostuju instrukcyju — vy pavinny zastavacca doma. Vy nie pavinny sustrakacca ź siabrami abo svajakami», — padkreśliŭ Džonsan.