Jarmošyna: Vybary mohuć pieranieści tolki ŭ vypadku režymu nadzvyčajnaha stanovišča ŭ krainie

Fota Siarhieja Hudzilina

Prezidenckija vybary mohuć być pieraniesienyja, kali ŭ krainie z-za pandemii budzie abvieščany režym nadzvyčajnaha stanovišča. Pra heta RIA «Naviny» zajaviła kiraŭnik CVK Lidzija Jarmošyna. Jana taksama adznačyła, što pieradumoŭ pakul da hetaha niama.

«Tolki kali budzie abvieščana nadzvyčajnaje stanovišča, heta daje padstavu dla pieranosu vybaraŭ, tak skazana ŭ kanstytucyi. Ale kali budzie abstanoŭka takaja ž, jak ciapier, to nijakich padstaŭ dla pieranosu niama», — skazała Jarmošyna.

Termin prezidenckich paŭnamoctvaŭ Łukašenki zakančvajecca 30 žniŭnia 2020 hoda. Mienavita hetuju datu Lidzija Jarmošyna i nazvała lepšaj dla praviadzieńnia asnoŭnaha hałasavańnia.

0

0

0

0

0

0