U futbolnym čempijanacie ŭsio dahary nahami — lidary na dnie tablicy, na stadyjonie «Dynama» haspadarać inšyja. AHLAD tura
Biełaruś zastałasia adzinaj jeŭrapiejskaj krainaj, dzie prachodzić futbolny čempijanat. Pra heta napisali topavyja suśvietnyja ŚMI, matčy «vyški» hladziać pa ŭsim śviecie, a zaŭziatary z Aŭstralii šukajuć, dzie možna nabyć futbołku «Słucka».
Razam z Bukmiekierskaj kantoraj Leon my praciahvajem ahladać ajčynny futboł.
I śmiech, i hrech, ale padčas pandemii čempijanat Biełarusi pa futbole moža pieražyć roskvit. Viadoma, što heta źjava nienaturalnaja i časovaja, ale heta čas mahčymaściaŭ jak dla kłubaŭ, tak i dla hulcoŭ.
Vyšejšaja liha startavała vielmi niečakana: z bujnoj pieramohi «Enierhietyka-BDU» nad BATE. Minčuki banalna akazalisia chutčejšymi i łaŭčejšymi, asabliva na poli vyłučaŭsia uźbiek Džasurbiek Jachšybojeŭ, jaki zabiŭ dvojčy. Pieršy hoł vyjšaŭ prosta šedeŭram futbolnaj techniki.
BATE zmoh adznačycca tolki dziakujučy pamyłcy bramnika «studentaŭ», ale hetaha akazałasia niedastatkova — paraza ź likam 1:3.
Ale hałoŭnyja kankurenty nie zmahli skarystacca takim padarunkam barysaŭcaŭ. «Šachcior» prajhraŭ «Tarpieda-BiełAZ», minskaje «Dynama» — «Ruchu», a bresckija «dynamaŭcy» zhulali ŭničyju sa «Smalavičami», čym abłamali amal usie našyja prahnozy.
U niadzielu ž adbyŭsia bieniefis arbitra Siarhieja Čystova — toj pryznačyŭ ažno piać pienalci ŭ hulni «Słucka» sa «Słavijaj», ustalavaŭšy rekord čempijanataŭ Biełarusi. Z čatyroch 11-mietrovych słuččaki realizavali try, u mazyrčukoŭ adzinaja sproba akazałasia paśpiachovaj. Z hulni miačoŭ kamandy nie zabivali.
Siarhiej Čystoŭ i słucki karavaj. Fota Iryny Viečar.
Ciapier pierachodzim da matčaŭ druhoha tura, jakija adbuducca, niahledziačy na karanavirus. Ale pandemija paŭpłyvała na naš futboł: «Isłač» admoviłasia ad fan-zony, a «Słuck» i «Tarpieda-BiełAZ» buduć pradavać bilety nie na ŭsie miescy, rassadžvajučy zaŭziataraŭ praz adno miesca.
«Tarpieda-BiełAZ» — «Biełšyna»
- 27.03, 18:00. Žodzina, stadyjon «Tarpieda».
- Kaeficyjenty: «Tarpieda» (pieramoha) — 1.65; ničyja — 4.22; «Biełšyna» (pieramoha) — 5.85.
Z treciaha razu kamanda Juryja Puntusa zmahła vyjhrać u «Šachciora». U Salihorsku ŭsio ciahnułasia da nulavoj ničyjoj, ale na 91-j chvilinie brazilec Ramas ź linii štrafnoj vyrašyŭ prabić i nie darma.
«Biełšyna» na babrujskaj sintetycy chutka paviała ŭ matčy z «Minskam» — Leanid Koviel majstarski skarystaŭsia momantam. Ale ŭ druhim tajmie skazałasia roźnica ŭ kłasie, i minčuki zmahli pierałamić chod matču i pieramahčy 3:1.
Varta adznačyć, što da pierajezdu ŭ Žodzina Juryj Puntus treniravaŭ mienavita «Biełšynu». Pahladzim, ci budzie heta pieravahaj na poli.
Prahnoz «NN»: pieramoha «Tarpieda».
«Ruch» — «Enierhietyk-BDU»
- 27.03, 20:00. DASK «Brescki».
- Kaeficyjenty: «Ruch» (pieramoha) — 2.81; ničyja — 3.64; «Enierhietyk» (pieramoha) — 2.63.
Tydzień tamu my pisali pra dziŭnyja stasunki pamiž «Rucham» i kiraŭnikom bresckim «Dynama» Alaksandram Zajcavym. U pieršym tury toj nie pajechaŭ u Brest, dzie jahony kłub hulaŭ sa «Smalavičami», a naziraŭ za pieršaj pieramohaj «Rucha».
Alaksandr Zajcaŭ hladzieŭ matč «Rucha» razam ź Juryjem Viarhiejčykam. Fota Alaksandra Dabryjana, «Presboł».
U piatnicu «Ruch» budzie prymać niečakanych lidaraŭ tablicy. Z hetaj nahody dva pytańni: ci pryjedzie Zajcaŭ i na chatni matč bieraściejcaŭ, a taksama ci zmohuć abaroncy «Rucha» strymać Jachšybojeva.
Prahnoz «NN»: totał, bolšy za 2.5.
«Słuck» — «Dynama-Brest»
- 28.03, 13:00. Słuck, stadyjon «Haradski».
- Kaeficyjenty: «Słuck» (pieramoha) — 6.05; ničyja — 4.84; «Dynama» (pieramoha) — 1.58.
Słuččaki, jakich my zapisali na baraćbu za vyžyvańnie, u pieršym tury ŭpeŭniena abhulali mazyrskuju «Słaviju». Napieradzie kudy bolš surjozny ispyt — matč z čempijonami, złymi paśla matču sa «Smalavičami».
U svajoj supołcy Ukantakcie «Słuck» prapanavaŭ usim achvotnym kampanijam supracoŭnictva pa rekłamie — situacyja ŭ kłubie praciahvaje paharšacca. Ci skarystajecca hetym «Dynama»?
Prahnoz «NN»: pieramoha «Dynama».
«Słavija» — BATE
- 28.03, 15:00. Mazyr, stadyjon «Junactva».
- Kaeficyjenty: «Słavija» (pieramoha) — 8.30; ničyja — 5.05; BATE (pieramoha) — 1.44.
Mazyr i Barysaŭ paśla pieršaha tura akazalisia pobač na dnie tablicy, nasupierak čakańniam zaŭziataraŭ i prahnozam bukmiekieraŭ.
BATE jedzie vypraŭlać «enierhietyčny» kanfuz, ale «Słavii» taksama treba nabirać bały, bo rola aŭtsajdara — heta jaŭna nie toje, na što raźličvajuć mazyrskija zaŭziatary.
Prahnoz «NN»: pieramoha BATE.
«Minsk» — «Dynama-Minsk»
- 28.03, 17:00. Stadyjon FK «Minsk».
- Kaeficyjenty: «Minsk» (pieramoha) — 3.96; ničyja — 3.34; «Dynama» (pieramoha) — 2.22.
Heta biełaruski futboł. U toj čas, kali matč «Smalavičy» — «Isłač» budzie prachodzić na stadyjonie «Dynama» (pra heta krychu nižej), minskaje derbi buduć hulać na sintetycy «Kamvolščyka».
Znoŭ pačałasia biada minskaha «Dynama». Letaś padčas dyskvalifikacyi Siarhieja Hurenki kamanda zhubiła šmat turnirnych bałaŭ i, adpaviedna, nadziej na miedali, toje ž samaje pačało adbyvacca i sioleta — «Ruchu» ŭžo prajhrali. A napieradzie matč suprać krepkaha «Minska», jaki ŭžo viedaje smak pieramohi.
Prahnoz «NN»: «Minsk» nie sastupić.
«Haradzieja» — «Šachcior»
- 28.03, 19:00. Stadyjon «Haradzieja».
- Kaeficyjenty: «Haradzieja» (pieramoha) — 5.50; ničyja — 3.92; «Šachcior» (pieramoha) — 1.71.
Abiedźvie kamandy skončyli svaje matčy startavaha tura minimalnymi kryŭdnymi parazami. «Šachcior», jak my pisali, prapuściŭ u kampiensavany čas, a «Haradzieja» prapuściła hoł ad svajho ž futbalista.
Kali niaŭdały start «cukrovych» — źjava davoli typovaja, to kiraŭnictva salihorcaŭ doŭha tryvać niaŭdačy nie stanie. Tamu Juryju Viernidubu treba być vielmi pilnym.
Prahnoz «NN»: «Šachcior» pieramoža.
«Isłač» — «Smalavičy»
- 29.03, 16:00. Minsk, stadyjon «Dynama».
- Kaeficyjenty: «Isłač» (pieramoha) — 1.93; ničyja — 3.70; «Smalavičy» (pieramoha) — 4.64.
Zaŭziatar «Isłačy» z bajanam stanie trecim artystam, jaki źbiare stadyjon «Dynama» paśla Saładuchi i Karža. Pieršapačatkova matč musiŭ adbycca ŭ Žodzinie (tam pakul haspadarać «Smalavičy»), ale kłuby damovilisia pamianiacca kruhami, a praz zaniataść «Kamvolščyka» nie zastałosia ničoha inšaha, jak zhulać na najvialikšaj spartyŭnaj arenie Biełarusi.
Fota: FK «Isłač».
«Isłač» u pieršym tury abhulała «Nioman» ź minimalnym likam, dziakujučy fantastyčnamu strełu Mamo Jansane. Matč sa ścipłymi «Smalavičami» — dobraja mahčymaść zatrymacca na viaršyni tablicy.
Prahnoz «NN»: totał, mienšy za 2.5.
«Nioman» — «Viciebsk»
- 29.03, 18:00. Hrodna, CSK «Nioman».
- Kaeficyjenty: «Nioman» (pieramoha) — 2.67; ničyja — 3.34; «Viciebsk» (pieramoha) — 3.06.
Jak my i prahnazavali, siezon ad startu nie zadaŭsia ŭ haradziencaŭ. Paraza ŭ pieršym tury i jašče adzin surjozny supiernik u druhim.
Niahledziačy na surjoznyja zadačy «Viciebska» na siezon, kamanda nie hublaje aptymizmu i pačućcia humaru. Pahladzicie, jak futbalisty žartujuć z pavyšanaj uvahi da siabie z boku zaŭziataraŭ sa ŭsiaho śvietu.
Ci dapamoža dobry nastroj u Hrodnie?
Prahnoz «NN»: totał, mienšy za 2.5.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku i futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
