U žančyny z Žytkavičaŭ nie było karanavirusa, prosta dvuchbakovaja pnieŭmanija — daktary
Jak paviedamiŭ «Novamu Paleśsiu» namieśnik načalnika hałoŭnaha ŭpraŭleńnia achovy zdaroŭja Homielskaj vobłaści Michaił Zmuško, šerah testaŭ nie paćvierdziŭ najaŭnaść COVID-19 u pacyjentki z Žytkavičaŭ.
Fota Nadziei Bužan.
Stan žančyny stabilny, paśla zakančeńnia kursa stacyjanarnaha lačeńnia jaje vypišuć. Na zaŭtra zapłanavana vypiska asob kantaktu 1 ŭzroŭniu z ustanoŭ achovy zdaroŭja.
Havorka idzie pra 58-hadovuju žycharku Žytkavičaŭ, jana znachodziłasia ŭ stabilna ciažkim stanie ŭ homielskaj reanimacyi. Dyjahnaz — dvuchbakovaja pnieŭmanija.
Ni žančyna, ni jaje akružeńnie nie vyjazdžali za miažu.
U žančyny padniałasia tempieratura, pačaŭsia suchi kašal. U rajonnaj paliklinicy joj pastavili dyjahnaz «vostraja reśpiratornaja virusnaja infiekcyja» i vypisali antybijotyki. Vynikaŭ heta nie davała, i ŭ subotu žančyna pajšła ŭ Žytkavickuju palikliniku da terapieŭta. Paśla kansultacyi vyjšła z kabinieta i straciła prytomnaść. Tolki tady ŭ jaje dyjahnastavali dvuchbakovuju pnieŭmaniju. Tady ž zrabili pieršy test na karanavirus — i atrymali stanoŭčy vynik.
