Pieršy vice-premjer Kruty: Biełaruś razhladaje mahčymaść restrukturyzacyi častki źniešniaha doŭhu
Fota Nadziei Bužan
Pra heta siońnia žurnalistam zajaviŭ pieršy namieśnik premjer-ministra Dźmitryj Kruty, piša BiełTA.
Pa słovach Dźmitryja Krutoha, prapanovy ab restrukturyzacyi častki źniešniaha doŭhu hučać. «Tyja kredytnyja linii, jakija ŭ nas byli ŭziatyja na standartnych umovach … My pasprabujem vyjści na partnioraŭ, nie zvažajučy na karancinnyja abmiežavańni dy inšaje, i ŭniasiem prapanovy pa restrukturyzacyi častki źniešniaha doŭhu», — skazaŭ pieršy vice-premjer.
U jakaści prykładu jon pryvioŭ Suśvietny bank, jaki anansavaŭ vydzialeńnie pramoj dapamohi, u tym liku na likvidacyju nastupstvaŭ karanavirusa. «My pakul takich hrošaj u jaho nie zapytvali. Ale ŭ častcy daŭhavych linij, dumaju, možam ź imi papracavać», — adznačyŭ Dźmitryj Kruty.
Što tyčycca pierśpiektyŭ supracoŭnictva z MVF, to pieršy vice-premjer nahadaŭ, što fond, zychodziačy z svaich praviłaŭ, nie viadzie pieramovy pra kredyty abo zaklučeńni novych krainavych prahram padčas elektaralnych kampanij. «Paśla vybaraŭ budziem ź imi sustrakacca i hetuju temu abmiarkoŭvać», — rastłumačyŭ Kruty.
Jon prakamientavaŭ taksama damoŭlenaści z Rasijaj u naftavaj śfiery, zaklikaŭšy nie śpiašacca i dačakacca finalnych rašeńniaŭ.
«Kvartał užo prajšoŭ, tamu tut treba jašče techničnyja mahčymaści zavodaŭ acanić. Jak jany zmohuć heta ŭsio pierapracavać», — udakładniŭ jon.