Žychar Hrodna padmanuŭ znajomych na 420 tysiač — i prajhraŭ ich u kazino
28-hadovamu žycharu Hrodna, što padmanuŭ ludziej, udałosia prykarmanić 420 tysiač rubloŭ, jakija jon potym prajhraŭ u kazino, paviedamlaje prakuratura.
Mužčyna šukaŭ tych, u kaho byli bankaŭskija karty ci chto moh aformić ich na svajo imia. Paśla haradžanin prapanoŭvaŭ za ŭznaharodžańnie dapamahčy jamu pieravieści na hetyja kart-rachunki hrošy jaho firmy i zatym pieravieści ich u hatoŭku.
Nasamreč hramadzianin nie pracavaŭ, nijakaj kamiercyjnaj arhanizacyi ŭ jaho nie było. Jon karystaŭsia čužymi mabilnikami i praz prahramu afarmlaŭ zajaŭki ŭ adnym z bankaŭ na anłajn-kredyty. Sa 113 zajavak na sumu 538 tysiač rubloŭ adabreńnie atrymali 91 na 420 tysiač rubloŭ.
Mužčyna spuskaŭ u ihralnaj ustanovie ŭsie atrymanyja hrošy.
Akramia taho, dla atrymańnia kredytaŭ u bankach Minska i Hrodna abvinavačany padaŭ falšyvyja daviedki ab dachodzie. Jašče bolš za try miesiacy za hod uchilaŭsia ad vypłaty srodkaŭ na ŭtrymańnie dački pa sudovaj pastanovie.
Kryminalnuju spravu nakiravali ŭ sud.
