U Biełarusi novy ministr sielskaj haspadarki i charčavańnia
U Biełarusi novy ministr sielskaj haspadarki i charčavańnia. Paviedamlaje telehram-kanał Puł pieršaha. Im staŭ Ivan Krupko.
Takim čynam raniejšy ministr Anatol Chaćko pravioŭ na pasadzie mienš za hod.
Havoračy pra pryčyny zamieny kiraŭnika ministerstva, kiraŭnik dziaržavy rastłumačyŭ, što dla hetaj pasady spatrebiŭsia bolš daśviedčany kiraŭnik. Łukašenka raźličvaje, što vopyt raboty Ivana Krupko, atrymany za čas kiraŭnictva Minskim rajonam, dazvolić nadać bolšuju dynamiku raźvićciu sielskaj haspadarki ŭ Biełarusi.
«Sam razumieješ: spakojna tam nielha pracavać, — źviarnuŭsia Alaksandr Łukašenka da ministra. — Tam zaŭsiody treba budzie varušycca, dy jašče jak varušycca».
Što nakont raniejšaha ministra Anatola Chaćko, jon piarojdzie na inšuju pracu. «U jaho prafiesija dobraja. U nas u žyviołahadoŭli prablem chapaje. Stracić jaho ni ŭ jakim razie nielha, treba dać pracu», — skazaŭ Łukašenka.
Ivan Krupko naradziŭsia ŭ 1974 hodzie ŭ vioscy Burlevičy Karelickaha rajona Hrodzienskaj vobłaści. Skončyŭ Hrodzienski dziaržaŭny sielskahaspadarčy instytut u 1998 hodzie i Akademiju kiravańnia pry Prezidencie Biełarusi ŭ 2007-m.
Pracoŭnuju dziejnaść pačaŭ u 1998 hodzie, byŭ hałoŭnym zaatechnikam kałhasa «Rasśviet» ŭ Niaśvižskim rajonie. Z 2003 hoda pierajšoŭ u Niaśvižski rajvykankam, dzie spačatku zajmaŭ pasadu načalnika adździeła pa arhanizacyi vytvorčaści i pierapracoŭcy pradukcyi ŭpraŭleńnia sielskaj haspadarki i charčavańnia, a z 2006 hoda — pieršaha namieśnika načalnika ŭpraŭleńnia, načalnika adździeła. U 2010-m kiravaŭ hetym ŭpraŭleńniem, byŭ pieršym namieśnikam staršyni Niaśvižskaha rajvykankama. U 2010—2018 hadach uznačalvaŭ hety rajvykankam.
