Karanavirus vyjavili ŭ hałoŭnaha treniera «Arsienała»
Fota ź instahrama Mikiela Artety
Karanavirusnuju infiekcyju COVID-19 vyjavili ŭ hałoŭnaha treniera łondanskaha futbolnaha kłuba «Arsienał» Mikiela Artety. Pra heta havorycca ŭ zajavie, apublikavanaj na sajcie kłuba.
«Piersanał kamandy, jaki niadaŭna ciesna kantaktavaŭ ź Mikiele, adpravicca na samaizalacyju ŭ adpaviednaści z dyrektyvami ŭrada», — havorycca ŭ paviedamleńni.
Adznačajecca, što na karancin pavinny trapić usie hulcy i trenierski štab kamandy, a taksama niekatoryja futbalisty z akademii. U kamandzie vykazali nadzieju na toje, što tyja, chto kantaktavali z Artetaj, u najbližejšy čas viernucca da pracy.
«Škada, što tak atrymałasia, ale ja zdaŭ test paśla taho, jak adčuŭ siabie drenna. Ja znoŭ budu pracavać, jak tolki mnie dazvolać », — zajaviŭ ispanski śpiecyjalist.