Krynicy: AHP vykidaje Kanapackuju z prajmieryz
4 sakavika stanuć viadomyja ŭdzielniki prajmieryz ad pravacentrysckaj kaalicyi. Pytańnie vyklikaje tolki ŭdzieł u hetaj kampanii byłoj deputatki Pałaty pradstaŭnikoŭ Hanny Kanapackaj, jakaja zachacieła pasprabavać svaje siły ŭ jakaści niezaležnaha kandydata.
Hanna Kanapackaja zapłaciła patrebnyja 500 jeŭra, a taksama zdała bolš za 200 podpisaŭ u svaju padtrymku. Siarod 102 pravieranych podpisaŭ tolki try akazalisia niesapraŭdnymi, taksama jana padpisała ŭsie bazavyja dakumienty pa vyłučeńni, tamu faktyčna Kanapackaja vykanała nieabchodnyja ŭmovy.
Adnak, pa našaj infarmacyi, AHP nie dapuścić udziełu Kanapackaj u prajmieryz. Rašeńnie pa Kanapackaj prymałasia Palitradaj AHP, aficyjna kiraŭnictva partyi trymaje maŭčańnie. Lidar AHP Mikałaj Kazłoŭ admoviŭsia ad kamientaroŭ da zaŭtrašniaj pres-kanfierencyi.
Chutčej za ŭsio, pa dadzienym pytańni AHP nie zaručyłasia padtrymkaj inšych partyj, jakija zapačatkavali prajmieryz. Dla taho, kab kandydat na ŭdzieł u prajmieryz byŭ zarehistravanym patrebnaje adzinahałosnaje rašeńnie AHP, Partyi BNF, BSDP, Ruchu «Za Svabodu» i BCHD. Kali adzin z subjektaŭ budzie suprać, to kandydata nie zarehistrujuć.
AHP budzie matyvavać svajo rašeńnie tym, što Kanapackaja nie strymała svajo abiacańnie pa «Płatformie apazicyjnaha deputata», dzie jana abiacała kožny vystup u parłamiencie skančvać tym, što ŭ krainie niama svabodnych vybaraŭ.
Hanna Kanapackaja była siabram AHP da 1 śniežnia 2019 hoda, kali jaje vyklučyli z partyi ŭ suviazi sa «strataj davieru».
