Łukašenka: Asobnyja dziaržavy zrazumieli karyść vientyla na trubie. I heta nie tolki Rasija
Pra heta kiraŭnik krainy źviarnuŭ uvahu siońnia na naradzie pa pytańniach zabieśpiačeńnia efiektyŭnaj raboty naftapierapracoŭčaha kompleksu krainy ŭ 2020 hodzie i na dalejšuju pierśpiektyvu, pieradaje BIEŁTA.
Alaksandr Łukašenka adznačyŭ, što na praciahu apošniaha stahodździa vuhlevadarody byli i zastajucca adnym z klučavych faktaraŭ u suśvietnych ekanamičnych i palityčnych adnosinach.
«Asobnyja dziaržavy zrazumieli, što pry dapamozie vientyla na naftavaj trubie vyhadnyja im pytańni vyrašajucca značna lahčej. Nie dumajcie, što ja namiakaju tut tolki na Rasiju.
Heta stała normaj dla dziaržaŭ płaniety, jakija majuć ad Hospada takoje ščaście. Na žal, niahledziačy ni na jakija ŭzajemnyja abaviazacielstvy, takaja praktyka stała prymianiacca i ŭ dačynieńni da Biełarusi, — skazaŭ jon. — Umovy pastaŭki nafty va ŭltymatyŭnaj formie ŭviazvajucca ź inšymi prablemami, jakija žadaje vyrašyć kraina-pastaŭščyk. Adbyvajecca heta biez ahladki na dziejučuju dahavornuju bazu i pryncypy pabudovy našych adnosin».
Kiraŭnik dziaržavy kanstatavaŭ, što ŭ vyniku zaraz kraina niedaatrymlivaje kala 1 młn t syraviny štomiesiac. «I sprava tut nie tolki ŭ tym, što niechta za vientyl chapajecca. Sprava jašče i ŭ tym, što my sami vinavatyja, što nie dyviersifikavali ŭ svoj čas pastaŭki nafty. Manapalizm zaŭsiody pryvodzić da padobnych vynikaŭ», — zaŭvažyŭ biełaruski lidar.
Jon adznačyŭ, što mienavita na naftavuju syravinu zaviazanyja nie tolki patrebnaści ŭnutranaha rynku paliva, ale i stabilnaja praca chimičnych i inšych pradpryjemstvaŭ.
U Biełarusi źjaviŭsia novy vice-premjer pa nafcie
