Tramp nie vyklučyŭ nadzvyčajnaha stanovišča z-za karanavirusa ŭ ZŠA
Amierykanskaja administracyja razhladaje mahčymaść uviadzieńnia dadatkovych abmiežavańniaŭ na ŭjezd u krainu ŭ suviazi z raspaŭsiudam karanavirusa. Pra heta paviedamiŭ u paniadziełak žurnalistam prezident ZŠA Donald Tramp na sustrečy z pradstaŭnikami farmaceŭtyčnych kampanij u Biełym domie, piša TASS.
«Tak, my razhladajem», — skazaŭ jon, adkazvajučy na adpaviednaje pytańnie. «Heta tyčycca peŭnych krain, dzie nazirajecca bolš rezki rost (vypadkaŭ zaražeńnia)», — rastłumačyŭ amierykanski lidar. Jon nie ŭdakładniŭ, pra jakija mienavita krainy idzie havorka.
Tramp taksama nie vyklučyŭ u budučyni mahčymaść uviadzieńnia ahulnanacyjanalnaha režymu nadzvyčajnaha stanovišča ŭ ZŠA z-za karanavirusa, adnak, pavodle jaho słoŭ, ciapier u hetym niama nieabchodnaści.
«Ja nie dumaju, što nam treba heta, bo ja sapraŭdy dumaju, što my ŭ vielmi dobrym stanoviščy. My hatovyja da ŭsiaho. My zaŭsiody zmožam zrabić heta paźniej, ale ja nie dumaju, što nam treba heta na dadzienym etapie», — adznačyŭ jon.
