Minskaja IT-kampanija pieraličyła infiekcyjnaj balnicy amal $10 tysiač
IT-kampanija Andersen źviarnułasia da pradstaŭnikoŭ IT-siektara ŭ Biełarusi z zaklikam dapamahčy biełaruskim daktaram u zmahańni z karanavirusnaj infiekcyjaj. Sama kampanija ŭžo pieraličyła minskaj infiekcyjnaj balnicy amal 10 tysiač dalaraŭ (22 tysiačy rubloŭ).
«Kali ty čytaješ hety dopis, to chutčej za ŭsio pracuješ u IT-halinie, — havorycca ŭ zvarocie. — U apošni čas usie zaniepakojenyja karanavirusam. Pamiarkuj sam, kali raniej pavyšanaja tempieratura i kašal aznačali prosta tydzień doma, to ciapier luby čych — padstava źviarnucca da daktaroŭ: «A ci nie padchapiŭ ja toj samy žudasny virus?!»
U infiekcyjnyja balnicy zamiest 2-3 chutkich u sutki ciapier staić čarha. My ŭ Andersen vyrašyli padtrymać našych daktaroŭ.
Asabista ty taksama ŭ siłach dapamahčy im, pieravioŭšy dastupnuju tabie sumu toj ci inšaj infiekcyjnaj balnicy (kali nie viedaješ, jak heta zrabić, pišy nam u asabistyja). Nam zdajecca, što IT pavinna nie tolki atrymlivać asałodu ad paŭsiudnaj zapatrabavanaści i vysokich zarobkaŭ, ale i niejak dapamahać u dadzienych nietypovych vypadkach».
