Žycharka Viciebska, u jakoj padazrajuć karanavirus, pracuje ŭ chołdynhu «Marka»
Ilustracyjnaje fota Nadziei Bužan
1 sakavika Minzdaroŭja Biełarusi paviedamiła pra novaje padazreńnie na karanavirus COVID-19. Adzin z testaŭ na karanavirus daŭ stanoŭčy vynik u biełaruski ź Viciebska. Žančynu, a taksama dvaich jaje kaleh terminova špitalizavali, nahadvaje Radyjo Svaboda.
Žančyna prachodzić pahłyblenaje abśledavańnie, na hety momant dakładnaha dyjahnazu jašče niama. Jana rabotnica Viciebskaha futravaha kambinata, jaki ŭvachodzić u chołdynh «Marka». U Italii žančyna była ŭ słužbovaj kamandziroŭcy.
«Ja viedaju, što ciapier naša kaleha prachodzić pahłyblenuju dyjahnostyku, — skazaŭ Svabodzie dyrektar kambinata Siarhiej Biecienia. — Bolš infarmacyi pakul niama. Kali pra iranskaha studenta dakładna skazana, što ŭ jaho karanavirus, to ŭ našaj kalehi pakul hetaha niama. Pradpryjemstva pracuje ŭ štatnym režymie, paniki niama. My praviali dadatkovuju hutarku z supracoŭnikami pra toje, što treba čaściej myć ruki. Nu heta jak usiudy».
U pryjomnaj kampanii «Marka» Svabodzie taksama paviedamili, što analizy na najaŭnaść karanavirusa miedyki brali ŭ hienieralnaha dyrektara chołdynhu Mikałaja Martynava. Jany pakazali admoŭny vynik.
Jak čakajecca, kančatkovyja vyniki analizaŭ viciablanki pavinny źjavicca na praciahu sutak. Taksama 2 sakavika stanie viadoma, ci zachvareŭ na karanavirus baćka dziaŭčyny studenta ź Irana, chvaroba jakoha ŭžo paćvierdžanaja.
