Na Filipinach uzbrojeny mužčyna zachapiŭ 30 zakładnikaŭ u handlovym centry

@NardFerrer / Twitter

U stalicy Filipin Manile ŭzbrojeny mužčyna zachapiŭ u zakładniki ŭ handlovym centry 30 čałaviek, paviedamiła hazieta The Filipino Times sa spasyłkaj na haradskija ŭłady.

Palicyja ačapiła HC paśla taho, jak u im prahučaŭ streł, u vyniku jakoha byŭ paranieny adzin čałaviek. Jak paviedamlaje CNN Philippines, jon znachodzicca ŭ špitali ŭ stabilnym stanie.

Pavodle haradskich uładaŭ, ludziej utrymlivaje były achoŭnik HC, uzbrojeny, jak miarkujecca, ahniavoj zbrojaj i hranatami. Zaraz ź im viaducca pieramovy, i mužčyna ŭžo paprasiŭ ježy i vady.

Pavodle papiarednich źviestak, achoŭnika raniej zvolniła słužba biaśpieki handlovaha centra. Jon prasiŭ dałučycca da jaho i inšych byłych kaleh, adnak tyja hetaha rabić nie stali.

0

0

0

0

0

0