Biełaruś maje pačać impart nafty praz Ukrainu pa naftapravodzie z Adesy
UNIAN
Pastaŭki nafty na biełaruskija NPZ z Ukrainy pa naftapravodzie «Adesa-Brody» pačnucca ŭ sakaviku, paviedamiŭ žurnalistam namieśnik staršyni kancerna «Biełnaftachim» Uładzimir Sizoŭ, paviedamlaje TASS.
«Pastaŭki pa naftapravodzie «Adesa-Brody» pačnucca ŭ najbližejšy čas, u sakaviku. Abjom — niekalki tankieraŭ», — skazaŭ jon.
Pavodle jaho słoŭ, trubapravodnaja infrastruktura [naftapravod «Adesa-Brody»] budzie vykarystoŭvacca jak samy ekanamičny, chutki i nadziejny transpart, dadaje BiełTA.
Pry hetym Uładzimir Sizoŭ nie ŭdakładniŭ, jakaja mienavita kraina moža vystupić pastaŭščykom.
«My viadziem pracu pa nabyćci resursaŭ u Čornym mory. Jość mahčymaść nabyćcia resursaŭ jak vytvorčaści azierbajdžanskaj kampanii, tak i vytvorcy z Rasijskaj Fiederacyi», — dadaŭ jon.
«Abjom [pastaŭki pa naftapravodzie «Adesa-Brody»] vyznačajem, zychodziačy z reštkaŭ resursaŭ na NPZ i faktu pastaŭki nafty čyhunačnym i trubapravodnym transpartam z Rasii», — rastłumačyŭ namieśnik staršyni «Biełnaftachima».