Studzieńskija zarobki ŭ adukacyi źnizilisia navat u paraŭnańni ź minułym listapadam. Minadukacyi: «Pamyłka ŭ raźlikach»
Novaja sistema apłaty pracy pa-raniejšamu vyklikaje pytańni (a časam i abureńnie) biudžetnikaŭ.
Čytajcie: Biudžetnikam naličyli zarobki pa novaj sistemie. Što atrymali ludzi i jak reahujuć na źmieny?
Pavodle dadzienych Biełstata, siaredni zarobak u śfiery adukacyi ŭ studzieni 2020 hoda skłaŭ 804,2 rubla. Adbyłosia istotnaje źnižeńnie ŭ paraŭnańni nie tolki z premijalnym śniežniem 2019 hoda (897,1 rubloŭ), ale navat navat ź listapadam 2019 hoda (832,7 rubloŭ)!
Pry hetym raniej ułady nieadnarazova abiacali, što zarobki nastaŭnikaŭ buduć pavialičvacca, ale nie źnižacca.
Ministr adukacyi Ihar Karpienka. Fota Nadziei Bužan
Što kažuć u Ministerstvie adukacyi?
Pakul što tam nie razabralisia, jak vyjšła skaračeńnie — ekanamisty šukajuć pryčynu.
«My sočym za situacyjaj i rychtujem kamientar, ale źnižeńniaŭ adnaznačna być nie pavinna. Dalejšaja tendencyja — zarobak budzie raści. Vidać, adbylisia niejkija pamyłki ŭ raźlikach», — skazali «Našaj Nivie» u pres-słužbie ministerstva.
Paźniej jany abiacajuć razhornuty kamientar.