Minzdaroŭja prosić biełarusaŭ nie naviedvać rajony karancinu ŭ Italii
Ministerstva achovy zdaroŭja rekamienduje biełarusam ustrymacca ad naviedvańnia tych rehijonaŭ paŭnočnaj častki Italii, dzie abviaścili karancin.
Z 24 lutaha ŭ Biełarusi ŭvodzicca ŭzmocnieny sanitarna-karancinny kantrol za ludźmi, jakija pryjazdžajuć ź Italii. Taksama praduhledžany miedycynski nahlad za imi ŭ suviazi z uspyškaj karanavirusa ŭ hetaj krainie.
Na hety momant vypadkaŭ COVID-19 u Biełarusi nie zarehistravana. U krainie vyjaŭlena 82 čałavieki ź simptomami vostraj reśpiratornaj infiekcyi, jakija znachodzilisia raniej u Kitai.
Pad nahladam śpiecyjalistaŭ znachodziacca 542 čałavieki. Jašče 712 čałaviek adpuścili dadomu. Jany absalutna zdarovyja.
Što tyčycca ludziej, jakija znachodziacca na terytoryi karancinu, to ŭsiaho ŭ Biełaruś prybyli 325 studentaŭ z Kitaja. Ź ich — 141 čałaviek znachodzicca pad miedycynskim nahladam. 184 studentaŭ adpuścili. Jany taksama prajšli ŭsie nieabchodnyja pravierki, jakija pakazali, što jany całkam zdarovyja.
