Łukašenka zajaviŭ ab mahčymaści sumiesnaha z Rasijaj budaŭnictva AES u Jehipcie
Alaksandr Łukašenka raskazaŭ siońnia ab mahčymaści sumiesnaha z Rasijaj budaŭnictva AES u Jehipcie. Hetuju temu kiraŭnik biełaruskaj dziaržavy abmiarkoŭvaŭ u razmovie z Uładzimiram Pucinym, skazaŭ kiraŭnik Biełarusi siońnia na sustrečy z hubiernataram Archanhielskaj vobłaści Rasijskaj Fiederacyi Iharam Arłovym, pieradaje BIEŁTA.
«My šmat razmaŭlali pra Jehipiet. Tam i my, i Rasija pracuje. I my vielmi siabrujem z prezidentam Jehipta. Dobryja adnosiny ŭ prezidenta Rasii z as-Sisi — prezidentam Jehipta. U nas, napeŭna, tam budzie ahulnaja budoŭla. Rasija, mabyć, 4 błoki atamnaj stancyi budzie budavać u Jehipcie», — skazaŭ Alaksandr Łukašenka.
Jon padkreśliŭ, što ŭ «Rasatamie» vielmi zadavolenyja biełaruskimi budaŭnikami. «I my abmiarkoŭvali pytańnie sumiesnaha budaŭnictva. Heta było, darečy, da budaŭnictva biełaruskaj stancyi. Kab my atrymali tut vopyt budaŭnictva razam z rasiejcami», — zaŭvažyŭ kiraŭnik dziaržavy.
