Na prajmieryz u Ńju-Hempšyry lidziruje Sanders, ale Butydžydž sastupaje tolki 1,5%
Jak i ŭ Ajovie Pit Butydžydž u favarytach, flickr.com
Sienatar Bierni Sanders atrymaŭ pieramohu na praviedzienych u aŭtorak prajmieryz Demakratyčnaj partyi ZŠA ŭ štacie Ńju-Hempšyr, piša ria.ru.
Jak śviedčać vyniki z 90% učastkaŭ dla hałasavańnia, jamu addali pieravahu kala 26% vybarščykaŭ (zvyš 70 tysiač čałaviek).
Na druhim miescy z 24,4% finišavaŭ Pit Butydžydž, na trecim - sienatarka Emi Kłobušar (19,8%). Čaćviortaje miesca zaniała sienatarka Elizabet Uoren (9,3%), a piataje — lidar sacapytańniaŭ były vice-prezident Džo Bajden (8,4%).
Niahledziačy na niapoŭnyja źviestki hałasavańnia, ekśpierty i viadučyja amierykanskija ŚMI prahnazujuć, što pryncypova situacyja nie źmienicca i pieramožca ŭžo vyznačany.
Kandydat ad Demakratyčnaj partyi na prezidenckija vybary 2020 hoda budzie nazvany na źjeździe partyi ŭ lipieni. Sami vybary projduć 3 listapada.