Minharsud niečakana admianiŭ štraf aktyvistu Baturu
11 lutaha Minski haradski sud admianiŭ pastanovu Centralnaha suda, jaki aštrafavaŭ aktyvista Jaŭhiena Baturu za ŭdzieł u akcyi za Niezaležnaść na 50 bazavych vieličyniaŭ, piša «Novy čas».
Jaŭhien Batura
Nahadajem, sudździa Centralnaha suda Minska Julija Hustyr 9 studzienia aštrafavała Jaŭhiena Baturu na 50 bazavych vieličyniaŭ za ŭdzieł u akcyi suprać intehracyi Biełarusi i Rasii 20 śniežnia 2019 hoda.
U sudzie Jaŭhien pradastaviŭ jurydyčnyja dokazy taho, što prava na mirnyja schody harantavana hramadzianinu Biełarusi Kanstytucyjaj i mižnarodnym zakanadaŭstvam. Ale sudździa pakarała aktyvista bujnym štrafam.
Jaŭhien abskardziŭ hetuju pastanovu ŭ Minskim haradskim sudzie 11 lutaha. Sudździa Maksim Łapko, jaki vioŭ pasiadžeńnie na biełaruskaj movie, vysłuchaŭšy tłumačeńni Batury, pryniaŭ rašeńnie pastanovu Centralnaha suda admianić i nakiravać spravu da inšaha sudździ.
«Ja razumieju, što pierahledzieć hetuju spravu ŭžo naŭrad ci paśpiejuć, pakolki terminy pryciahnieńnia mianie da adkaznaści sychodziać 20 lutaha. Tamu lepšym vyjściem dla ŭładaŭ tut budzie zakryćcio spravy ŭ suviazi z zakančeńniem terminaŭ, kab nie było zakonnaj nahody pakarać nikoha z sudździaŭ, milicyjantaŭ i śviedak, jakija brali ŭ hetym udzieł. Tady jany zmohuć zachavać dobruju minu pry kiepskaj hulni», — prakamientavaŭ rašeńnie Minharsuda aktyvist.
