Łukašenka pra infarmacyjnyja patoki: Šviejcaryi, Aŭstryi sajuźniki ŭ śpinu nie stralajuć
president.gov.by
Na naradzie z kiraŭnikami dziaržaŭnych ŚMI Alaksandr Łukašenka siońnia zaŭvažyŭ, što Biełaruś z usich bakoŭ pranizanaja roznymi miedyjnymi patokami, paviedamlaje pres-słužba.
«Mnohija ź ich adkryta destruktyŭnyja, — zajaviŭ kiraŭnik krainy. — Biełaruś znachodzicca ŭ samych składanych u hetym płanie adnosinach. I nie treba nas, dapuścim, paraŭnoŭvać ź dziaržavami, takimi, byccam by, jak my: Šviejcaryjaj, Aŭstryjaj i hetak dalej. Absalutna nie, bo hetyja dziaržavy isnujuć u składzie mahutnaha, vializnaha ES. I jany zaŭsiody abapirajucca na svaich sajuźnikaŭ, i, prynamsi, u śpinu im nie stralajuć».
«My ž znachodzimsia ŭ takim stanoviščy, što nam i ad sajuźnikaŭ dastajecca, i ad sapiernikaŭ abo vorahaŭ, jak my ich nazyvali. I ŭ hetym płanie Biełaruś prastrelvajecca z usich bakoŭ. Dy i ŭ bujnych zamiežnych ŚMI ŭ dačynieńni da našaj krainy časta źjaŭlajucca insinuacyi, a časam i zusim zaviedamaja chłuśnia i paklop», — skazaŭ Łukašenka.