Avijarejs ź Minska ŭ Miunchien adkłali na dzień. Pasažyram daviałosia načavać u aeraporcie
Pasažyry, jakija mielisia lacieć rejsam Miunchien—Minsk 10 lutaha, aburylisia tym, što aviakampanija «Biełavija» nie pradastaviła ŭmovaŭ dla kamfortnaha čakańnia.
U «Našu Nivu» źviarnuŭsia čytač Juryj Tabolin. Jon raskazaŭ, što ŭ paniadziełak praz admienu rejsa niekalki dziasiatkaŭ biełarusaŭ zachraśli ŭ aeraporcie Miunchiena.
«U adroźnieńnie ad inšych avijakampanij, «Biełavija» nie viarnuła bahaž, nie pradastaviła miescy ŭ hateli, nie karmiła i nie vypuskała z terminała. Pasažyry, u tym liku maleńkija dzieci, spali na łaŭkach», — narakaje Juryj.
U pres-słužbie avijakampanii patłumačyli:
«Rejs avijakampanii «Biełavija» ź Minska ŭ Miunchien nie atrymaŭ dazvołu na pasadku ŭ aeraporcie Miunchiena praz umovy nadvorja i byŭ nakiravany dyśpietčarami ŭ Frankfurt. Praz cykłon «Sabina» i mocny bakavy viecier praca aeraporta «Miunchien» była prypynienaja, pryloty i vylety admienienyja, praca słužbaŭ, jakija adkazvajuć za bahaž, była prypynienaja taksama. Usie hateli Miunchiena byli zahružanyja, praz heta avijakampanija nie zmahła raźmiaścić pasažyraŭ, jakija čakali vyletu ŭ Minsk. Adnak «Biełavija» pradastaviła vaŭčary na charčavańnie. Pasažyram, jakija vymušana apynulisia ŭ aeraporcie Frankfurta, pradastavili i tranśfier, i pražyvańnie, i charčavańnie. Samalot kampanii «Biełavija» z Frankfurta ŭ Miunchien vylecieŭ siońnia ŭ 11.50 hadzin pa minskim časie», — adkazali ŭ «Biełavija».
