Va Ukrainie machlary pa padroblenym podpisie namieśnika Minfina ledź nie vykrali hazu na $10 miljonaŭ, ale ŭmiašałasia SBU
Słužba biaśpieki Ukrainy va ŭzajemadziejańni z kiraŭnictvam Ministerstva finansaŭ Ukrainy praduchiliła supraćpraŭnuju ździełku z prysvajeńniem pryrodnaha hazu na 250 młn hryŭniaŭ (heta krychu bolš za $10 młn). Pra heta paviedamlaje RBK-Ukraina sa spasyłkaj na pres-słužbu SBU.
Jak paviedamili ŭ śpiecsłužbie, złamyśniki vykarystali padroblenyja dakumienty, nibyta padpisanyja adnym z namieśnikaŭ ministra finansaŭ.
«Falšyŭka dazvalała im ažyćciavić apieracyi na infarmacyjnaj płatformie AT «Ukrtranshaz» i zavałodać 43,6 młn kuboŭ pryrodnaha hazu. U vyniku apieratyŭnaha reahavańnia SBU sumiesna ź Minfinam i Naftahazam atrymałasia błakavać praviadzieńnie ździełki i praduchilić stratu dziaržavaj amal 250 młn hryŭniaŭ», — raspaviali ŭ SBU.
Pa dadzienym fakcie raspačata kryminalnaja sprava, praciahvajucca śledčyja dziejańni.