9 lutaha — «Akademkniha» zaprašaje na prezientacyju knih Leanida Drańko-Majsiuka
«Akademkniha» zaprašaje 9 lutaha a 12.30—13.00 na prezientacyju knih i aŭtohraf-siesiju paeta, litaraturaznaŭca Leanida Drańko-Majsiuka.
«…Usie bačyli niastaču vina…»: apovieść pra Adama Stankieviča
«…Usie bačyli niastaču vina…» — novaja archiŭna-dakumientalnaja apovieść Leanida Drańko-Majsiuka, bahataja na mastackija asensavańni.
Heta źmiastoŭny tvor pra ksiandza Adama Stankieviča, pra jahonuju samaachviarnuju pracu na karyść Biełarusi, pra jaho pakuty ŭ astrozie…
Adam Stankievič (1892—1949) — relihijny myślar, piśmieńnik, palityk, historyk, a pierš za ŭsio naš nacyjanalny dziejač, jaki maryŭ pra takuju niezaležnuju biełaruskuju dziaržavu, jakaja adpaviadała b uzoru zachodniejeŭrapiejskaj demakratyi.
A jašče Adam Stankievič bačyŭ najbolšuju hramadskuju karyść dla baćkaŭščyny ŭ tym, kab isnavała Biełaruskaja katalickaja carkva.
«Kvietkavy kraj Biełarusi»: kniha pra Davyd-Haradok z fotazdymkami Anatola Kleščuka
Kniha pra Davyd-Haradok — «kvietkavuju» stalicu Biełarusi. Kniha raspaviadaje pra toje admietnaje, čym bahata słavutaje miastečka i što ŭłaściva tolki jamu — vieśnianictva, cikietki, śviata «Koniki». Čytačy daviedajucca, jak vyhladaje davyd-haradockaje «sonca», jak rabiłasia łodka, jakuju ŭ narodzie nazyvali «dubam», čym častujuć haściej.
Hartajučy staronki hetaha vydańnia, možna nasamreč adčuć duchmiany vodar aksamitak, laŭkonii, floksaŭ dy inšych kvietak, pach uskapanaha aharoda, ubačyć žančyn-vudarak, stać śviedkam kaladnaha śviata i spaznać canu času.
Heta kniha pra historyju i štodzionnaść, pra vieru i los, pra luboŭ da baćkoŭ i ziamli, dzie naradziŭsia, pra ščymlivuju radaść i doŭhuju pamiać. Aŭtary vydańnia — paet Leanid Drańko-Majsiuk i fotamastak haziety «Źviazda» Anatol Klaščuk na praciahu dziesiacihodździaŭ źbirali materyjał, kab pakazać vialikamu śvietu nieviadomuju pryhažość Biełarusi, jakuju varta zachavać.
Prezientacyja adbudziecca na Centralnaj placoŭcy Nacyjanalnaha stenda Biełarusi, XXVII Minskaj mižnarodnaj knižnaj vystavy-kirmašu, (pr-t Pieramožcaŭ, 14).
