U ZŠA pieramožca łatarei straciŭ miljony dalaraŭ z-za niaviedańnia anhlijskaj
Žychar Ńju-Biedfard (štat Masačusiets) straciŭ šmatmiljonny vyjhryš z-za niaviedańnia anhlijskaj movy. Pra heta paviedamlaje The Independent.
Žuau Łuiš DaPonte padaŭ pazoŭ suprać svaich znajomych Maryi Aliviejry i Siuzany Haspar, jakija, pavodle jaho śćviardžeńnia, prysabiečyli hrošy, jakija jon vyjhraŭ u łatareju.
DaPonte vyjhraŭ čatyry miljony dalaraŭ. Jaho rodnaj movaj była partuhalskaja, dzie słova mil aznačaje «tysiača». Ubačyŭšy na łatarejnym bilecie nadpis «4mil», jon vyrašyŭ, što razmova idzie ab čatyroch tysiačach dalaraŭ.
Mužčyna śćviardžaje, što addaŭ łatarejny bilet Aliviejry i paprasiŭ atrymać vyjhryš za jaho. Za heta jon paabiacaŭ joj 200 dalaraŭ. Pa słovach DaPonte, jaho znajomaja źviarnułasia da arhanizataraŭ łatarei i atrymała vyjhryš z vylikam padatkaŭ - 2,6 miljona dalaraŭ, ale pieradała jamu tolki 3,8 tysiačy dalaraŭ, jakija jon čakaŭ. Reštu hrošaj jana pakinuła sabie.
DaPonte daviedaŭsia pra padman paśla razmovy ź siabram, jaki viedaŭ usich traich. Aliviejra usio admaŭlaje. Pavodle jaje słoŭ, jana nikoli nie atrymlivała łatarejnyja vyjhryšy dla kahości inšaha.
