U finale čempijanatu Jeŭropy pa handbole zhulajuć charvaty i ispancy. Paŭfinały byli fantastyčnymi VIDEA
Charvaty pieramahli Narviehiju u miehanapružanym matčy, u druhim aviertajmie. Fota men2020.ehf-euro.com.
Handbalisty Charvatyi i Ispanii prabilisia ŭ finał čempijanatu Jeŭropy, jaki prachodzić u Stakholmie, paviedamlaje karespandent BiełTA.
U pieršym paŭfinalnym pajadynku charvaty ź vielizarnaj ciažkaściu tolki ŭ dadatkovy čas adoleli narviežcaŭ ź likam 29:28.
Pieršy tajm charvackija handbalisty vyjhrali ź pieravahaj u dva miačy — 12:10, a da zakančeńnia druhoj pałovy skandynavy zdoleli vyraŭnavać stanovišča — 23:23.
Fota men2020.ehf-euro.com.
U pieršym aviertajmie supierniki nie vyjavili pieramožcu — 26:26, a ŭ druhoj dadatkovaj piacichvilincy macniejšymi akazalisia hulcy zbornaj Charvatyi, za 4 siekundy da finalnaj sireny Želka Musa zakinuŭ pieramožny miač.
Fota men2020.ehf-euro.com.
U druhim matčy za vychad u finał dziejsnyja čempijony kantynienta ispancy pierajhrali kamandu Słavienii — 34:32 (20:15). Tolki ŭ pačatku hulni słaviency niekalki razoŭ vychodzili napierad, a potym handbalisty Ispanii całkam zavałodali inicyjatyvaj i nie dazvolili supiernikam dahnać siabie.
Takim čynam, 26 studzienia zbornyja Charvatyi i Ispanii zhulajuć u vyrašalnym dvuboi za zołata. Siońnia kamandy Narviehii i Słavienii praviaduć matč za bronzu kantynientalnaha pieršynstva, a handbalisty Hiermanii i Partuhalii paspračajucca za 5-je vynikovaje miesca.
Dva hady tamu ŭ Charvatyi zołata jeŭrapiejskaha pieršynstva zavajavali handbalisty Ispanii, jakija pieramahli ŭ finale kamandu Šviecyi (29:23), bronzavymi pryziorami stali francuzy, jakija abyhrali datčan (32:29). Zbornaja Biełarusi zaniała 10-je vynikovaje miesca, jak i na ciapierašnim turniry. Najlepšym vynikam biełaruskich handbalistaŭ na čempijanatach Jeŭropy zastajecca 8-je miesca, zdabytaje ŭ 1994 hodzie ŭ Partuhalii.