Zatrymanaha za rasfarbavany pomnik Puškinu Pilipa Šaŭrova adpravili ŭ SIZA na dva miesiacy
Jak paviedamlałasia, maładafrontaviec Pilip Šaŭroŭ, zatrymany 19 studzienia, znachodzicca ŭ Śledčy izalatar №1 na vulicy Vaładarskaha. 24 studzienia stała viadoma, što Šaŭrovu pradjaŭlena abvinavačvańnie pa č.1 art. 339 KK («Chulihanstva»). Miera ŭtrymańnia pad vartaj praciahnuta da dvuch miesiacaŭ. Pravodziacca śledčyja dziejańni, paviedamlaje spring96.org.
Pilipa Šaŭrova padazrajuć u tym, što jon razmalavaŭ čyrvonaj farbaj pomnik rasijskamu paetu Alaksandru Puškinu, a taksama namalavaŭ niekalki «palityčnych» hrafici, adno ź jakich - «Svabodu Sieviaryncu!». Na nastupny dzień paśla zatrymańnia pres-słužba MUS paviedamiła, što Šaŭroŭ sam pryjšoŭ u milicyju i pryznaŭsia, što mienavita jon razmalavaŭ pomnik. U domie ŭ aktyvista «Maładoha frontu» adbyŭsia vobšuk, padčas jakoha była kanfiskavana vopratka.
Chłopiec, jaki razmalavaŭ Puškina čyrvonaj farbaj, užo na Vaładarcy. Ci pryznajuć jaho palitviaźniem?
Za «kryvavyja ruki» pomnika Puškinu zatrymany maładafrontaviec Pilip Šaŭroŭ
