Pampiea pažadaŭ livijcam samim vyznačać svaju budučyniu
Livijcy pavinny sami vyrašyć, jakoj budzie ich budučynia, napisaŭ u svaim tvitary dziaržsakratar Majk Pampiea.
«Pryjšoŭ čas, kab livijcy sami vyrašyli, jakoj budzie ich budučynia — budučynia, svabodnaja ad hvałtu, što padahrajecca źniešnimi hulcami. My zaklikajem usie baki skarystacca hetaj mahčymaściu praz pasiarednictva AAN», - adznačyŭ Pampiea.
Takuju zajavu dziaržsakratar ZŠA zrabiŭ, znachodziačysia ŭ Bierlinie na mižnarodnaj kanfierencyi pa ŭrehulavańni situacyi ŭ Livii. Hetaja kanfierencyja prachodzić u stalicy Niamieččyny 19 studzienia pa inicyjatyvie kanclera Anhieły Mierkiel. Na pieramovy jana zaprasiła pradstaŭnikoŭ supraćlehłych bakoŭ — kamandujučaha Livijskaj nacyjanalnaj armii fieldmaršała Chalifu Chaftara i kiraŭnika ŭrada naczhody Faiza Saradža.
U sustrečy taksama biaruć udzieł pradstaŭniki Rasii, Francyi, Turcyi, ZŠA, Vialikabrytanii, Ałžyra, Jehipta i AAE.