U Salihorsku hrupa vydavała pazyki pad vialikija pracenty i vybivała daŭhi
U siaredzinie studzienia supracoŭniki MUS zatrymali dvuch žycharoŭ Salihorska. Jany nielehalna vydavali pazyki pad vysokija pracenty. Kali «klijenty» nie mahli vypłacić zapazyčanaści, fihuranty ŭžyvali pahrozy i hvałt.
Zatrymanyja padšukvali ludziej z vysokim uzroŭniem dachodaŭ, u asnoŭnym šachcioraŭ, jakija rabili staŭki na tatalizatary. Pakolki hulcam zaŭsiody patrebnyja hrošy, padazravanyja niezakonna prapanoŭvali im mikrapazyki pad vysokija pracenty. U pryvatnaści, adzin paciarpieły pazyčyŭ 500 rubloŭ, a praz paŭhoda ŭ jaho ŭžo patrabavali 15 tysiač. Viarnuć padobnyja sumy ludzi nie mahli. Tady ŭdzielniki hrupy pierachodzili da pahroz paškodžańnia majomaści, a časam i da fizičnaha hvałtu: daŭžnika vyvozili ŭ biaźludnaje miesca i źbivali. Paciarpiełyja byli napałochanyja i ŭ milicyju nie źviartalisia.
Hrupa dziejničała na terytoryi horada i rajona z 2012 hoda. Siarod udzielnikaŭ było dakładnaje raźmierkavańnie rolaŭ. Adny zajmalisia «čarnavoj pracaj»: vysočvali paciarpiełych, zapałochvali ich. Inšyja źjaŭlalisia arhanizatarami. Siarod dvuch zatrymanych jość i lidar hrupy — 31-hadovy raniej sudzimy žychar Salihorska. Jon maje status «kryminalnaha aŭtaryteta».
